Kada Kanyanyamanan nya

Wayah musim rambutan si utuh ancau ni meambil upah mamutiki rambutan di kabun H.Amat.
Sudah 5 pohon di naiki nya, dapat banyak banar rambutannya.
Bulik ay si utuh ni mandatangi H.Amat.

"Ji ,ininah rambutannya, mana upah ulun"ujar utuh
"Sabarataan lah nyawa putik"ujar H.amat

"Inggih ji ay, kalilimanya tuh pang ulun putik"ujar utuh

"Nah nyawa ni salah, pohon unda dalapan buting"ujar H.amat

"Dimana lagi ji,palihat ulun tadi lima haja disitu"ujar utuh

"Dientangan sana nah"haji amat manunjuk ke entangan padang sabat sana.

"Sudah sanja ji ay,parak banar kadap nah,esok haja gen pulang lah"ujar utuh

"Bah nyaw ni unda kda thu, esok pagi unda manjualnya tu"ujar H.amat

Mau kda mauay utuh ni hakun,namanya gint bacari duit.
Lawan muha masam barangkat ay utuh ni bajalan linjang linjut kepadang sabat sana.
Imbah nitu manaiki kapohon,pas banyak banar ha pulang pohon nang ini sarangganya.
Magin sangkal utuh nih.
"Sudah kadap,awak uyuh,dimamai,diigut sarangga ha pulang" bagarunum sorangan.

Tapi pina ada suara ribut di bawah sana, apang ujar utuh nih
Pas manjanguk kabawah
Ada babinian lawan lalakian lagi mamadu kasih.
Takajut utuh, tapi bahinip ay sambil manuntung akan mutiki rambutannya.

Mbah nitu si utuh mandangar babiniannya manangis,bingung utuh nih.
Laluam mamasang katalinga mandangarakan.

"Pian bapadah apa sumalam , handak manikahi ulun kalo,inini ulun batianan sudah nah kadada jua pian badatang "ujar babiniannya

"Ulun pasti manikahi pian, tapi ulun balum baisisi duit, balum dapat haja lagi gawian ding ay"ujar lakiannya

Nang binian magin manangis sambil mambujuri baju nang tabuka tu.
"Mbah tu kya ini kya apa,ulun kda thu nah pusang"ujar babinian

"Kalo sudah nang kya ini ding ay kya apa pang lagi, SABAIKNYA KITA SARAHKAN LAWAN YANG DI ATAS AY"

takajut utuh langsung baucap

"Bungul nyawa ni lah,nyawa yang makan mangga nya.kanapa unda yang kana gatahnya"

Bingung nang bdua tu , ada urang sakalinya di atas.. :D